کورنیو چارو وزارت وایي، د اروزګان ولایت د امنیې قومندانۍ منسوبینو د ترینکوټ ښار اړوند تالاني سیمه کې د پرځول شوي جمهوریت د یوه چارواکي په کور کې د وسلو او مهماتو زیرمه کشف او ترلاسه کړې.
د یاد وزارت په وینا، په نیول شویو وسلو او مهماتو کې شپږ میله کلاشنکوفونه، یو میل دهشکه، سلګونه لاسي بمونه، زرګونه د راکټ، پیکا، دهشکې او کلاشنکوف مرمۍ او یو شمېر نور پوځي وسایل او تجهیزات شامل دي.
وزارت زیاتوي، په دې تړاو دوه تنه نیول شوي، چې تر لومړنیو پلټنو وروسته به عدلي او قضایي بنسټونو ته وسپارل شي.