د راپورونو لهمخې، د عراق لومړي وزير محمد شياع السوداني د دغه هېواد د کابینې څلور وزيران د فساد په تور محکمې ته ور پېژندلي دي.
السوداني په بغداد کې د حکومت د اجرأتو د ارزونې په کنفرانس کې زیاته کړې، چې په تېر یو نیم کال کې له دې سربېره د حکومت له اډانې ۴۱ عمومي رئیسان هم له دندو ګوښه شوي دي.
السوداني ويلي، چې ګوندیزې ونډې، د حکومتي کمزورتیا تر ټولو لوی لامل دی او د سياسي او اداري جوړښت اصلاح ته جدي اړتیا ده.
نوموړي زیاته کړې، چې له سیاسي فشار سربېره یې هم په حکومتي چوکاټ کې د فساد پر ضد مبارزه روانه ساتلې ده.