بلوچستان کې د پاکستاني پوځ پر وړاندې جنګېدونکو دوه ډلو (بياېلاې او بياېلاېف) په جلا جلا اعلامیو کې د ۱۵ پاکستاني پوځیانو د وژل کېدو او پنځو نورو د ټپي کېدو خبر ورکړی.
«بياېلاې» ویلي، چې وسله والو یې، د بلوچستان قلات او خضدار ولسوالیو کې پر پوځ ۵ جلا جلا بریدونه ترسره کړي، چې په ترڅ کې یې ۱۱ تنه وژل شوي او ۵ نور ټپيان دي.
د بلوڅو بلې وسلهوالې ډلې «بياېلاېف» بیا، د بلوچستان واشک ولسوالۍ کې پر پاکستاني عسکرو برید ترسره کړی، چې په ترڅ کې یې ۴ تنه وژل شوي دي.
د پاکستان حکومت تر دې مهاله د بلوڅ ازادي غوښتونکو دې تازه ادعاوو ته کوم غبرګون نهدی ښودلی؛ خو له بلوچستانه ځایي سرچینې وایي، هلته پر پاکستاني پوځیانو ورته بریدونه معمول ګرځېدلي دي.