په قطر کې د افغانستان سفیر محمد سهیل شاهین وایي، د قطر او ترکیې په منځګړیتوب د افغانستان او د پاکستان پوځي رژیم غونډه په بریالیتوب پایته رسېدلې ده.
ښاغلي شاهین زیاته کړې، چې دې غونډه کې پر دې هم هوکړه وشوه، چې پاکستان به د ا.ا.ا د مخالفینو او بریدونو حمایت نه کوي او افغانستان به پاکستان کې د بریدونو او مخالفینو ملاتړ نه کوي.
د نوموړي په وینا، دغه راز د پاکستان پوځي رژیم به د افغانستان حریم نه نقض کوي او پر عامو خلکو او تاسیساتو به بریدونه نه کوي.
ښاغلي شاهین دې برخه کې د قطر او ترکیې رول ستایلی او زیاته کړې یې ده، چې راتلونکې غونډه به په ترکیه کې ترسره شي.