د ریاست‌الوزراء اقتصادي مرستیال، ملا عبدالغني برادر اخوند په مشرۍ د اقتصادي کمیسیون نوبتي غونډه کې د دوه میلیارده او ۲۷۴ میلیونه افغانیو په ارزښت د پانګونې لس طرحې له هر اړخیزې ارزونې وروسته تائید شوې.

د ریاست‌الوزراء اقتصادي معاونیت وایي، په دې طرحو کې د تخار ولایت په خواجه غار ولسوالۍ کې دوه پوړیز سوداګریز مارکېټ، د جوزجان ولایت په مرکز شبرغان ښار کې د پنځه پوړیز سوداګریز مارکیټ، د خوست ولایت په مرکز خوست ښار کې د لس پوړیز سوداګریز مارکیټ، د لغمان ولایت په مرکز مهترلام ښار کې د پنځه پوړیز مارکیټ، د کابل ښار په یوولسمه ناحیه کې د اته پوړیز سوداګریز مارکیټ او د کابل ښار په لومړۍ ناحیه کې د اته پوړیز سوداګریز مارکیټ جوړول شامل دي.

دغه راز په تائید شویو طرحو کې د کابل ښار په لسمه ناحیه کې د ۲۰ پوړیزې سوداګریزې او استوګنیزې ودانۍ جوړول، د ننګرهار ولایت د مرکز جلا آباد ښار په وچ ډنډ سیمه کې د ځمکتلي سوداګریز مارکیټ جوړول او د هرات ولایت په اسلام کلا سوداګریز بندر کې د سوداګریز کمپلکس جوړول چې د اړتیا وړ ټول امکانات به ولري هم شامل دي.

د یادونې ده، چې یادې پرېکړې د ورړستۍ تصمیم نیونې په موخه د افغان حکومت د مشرتابه دفتر ته استول شوې دي.

hindukushpa.com/%d8%a7%d9%82%d…‎