د عراق لومړي وزیر، محمد شياع السوداني ویلي، تر هغه چې نړیوال ائتلاف په عراق کې حضور ولري، له وسله والو ډلو وسلې اخیستل ممکن نه دي.
نوموړي ویلي، ځینې ډلې عراق کې د نړیوال ائتلاف حضور اشغال ګڼي.
السوداني زیاته کړې، چې د ائتلاف راتګ دلیل نور له منځه تللی او تر ۲۰۲۶ کال د سپتمبر میاشتې پورې به د هغوی ماموریت پای ته ورسېږي.
نوموړي دا څرګندونې داسې مهال کړي، چې په دې وروستیو کې لویدیځو هېوادونو د عراق له حکومته غوښتي تر څو د نیمه پوځي ډلو تشکیلات له منځه یوسي.