د ریاست الوزراء اقتصادي مرستیال، ملا عبدالغني برادر افغان سوداګرو ته سپارښتنه کړې چې هر څه ژر پاکستان کې خپل حسابونه تصفیه او د دغه هېواد پر ځای د صادراتو او وارداتو لپاره بدیل هېوادونه انتخاب کړي.
ښاغلي برادر خبرداری ورکړی، چې له دې څخه وروسته که سوداګر په پاکستان کي له هر ډول ستونزې سره مخامخ کېږي، افغان حکومت یې مشکل ته رسېدنه نهکوي.
ښاغلي برادر ویلي، چې پاکستان تل زموږ د سوداګرۍ پر مخ لارې تړلي او له غیر سیاسي مسایلو څخه د سیاسي ابزارو په توګه استفاده کوي.
د نوموړي په خبره، هغه واردات چې له پاکستان څخه کېږي، نورو بدیلو مارکېټونو او هېوادونو ته دې مخه کړي، چې په پراخه کچه اوس ورته لاسری کېږي.