آریانا افغان هوايي شرکت اعلان کړی، چې له نن یکشنبې به د ډیلي سکټور لپاره صادراتي کارګو، هره کیلو یو ډالر او وارداتي توکي په ۸۰سنټه انتقالوي.
دې شرکت په یوه خبرپاڼه کې ویلي، چې دا پرېکړه د ریاست الوزراء د اقتصادي معاونیت لخوا شوې او موخه یې نړیوال بازار ته د افغان تولیداتو اسانه لېږد او د ملي سوداګرو ملاتړ دی.
د آريانا افغان هوايي شرکت رئيس ویلي، چې په نړيواله کچه د افغاني توليداتو د انتقال په برخه کې خپل ملي مسؤليت ادا کوي او موخه يې دا ده، چې په ټیټ قيمت افغاني توليدات د نړۍ هر کونج ته ورسيږي.