هندي رسنيو راپور ورکړی، چې هند له متحده عربي اماراتو سره د ۳ میلیارده ډالرو په ارزښت د طبیعي مایع ګاز د پېرلو تړون لاسلیک کړ.
سرچينو ویلي، چې دغه تړون نوي ډهلي ته د متحده عربي اماراتو د دولت رئیس شیخ محمد بن زاید ال نهیان د سفر او د هند له لومړي وزیر نریندرا مودي سره د لیدنې پر مهال لاسلیک شوی.
په راپور کې راغلي، د دغه تړون له مخې به د متحده عربي اماراتو دولتي شرکت «ادنوک ګاز» د ۱۰ کلونو مودې لپاره هر کال د «هندوستان پټرولیم» شرکت ته ۰.۵ میلیونه ټنه مایع ګاز ورکوي.
