د افغان حکومت مرستیال ویاند، ملا حمدالله فطرت وایي، د ریاستالوزراء اداري مرستیال ملا عبدالسلام حنفي په مشرۍ د کورونو جوړولو لپاره د اسانتیاوو رامنځته کولو غونډه وشوه.
د نوموړي په وینا، په دې غونډه کې د ابادۍ جوازونو صادرولو بهير کې د اسانتياوو رامنځته کولو پر لارو چارو او په پلاني او غير پلاني سیمو کې د اوسېدو کورونو جوړولو لپاره د غوره زمينې برابرولو پر وړاندې د خنډونو په لرې کولو خبرې شوې دي.
مسولينو څرګنده کړې، چې د کورونو جوړولو لپاره د مناسبې زمينې برابرول د ښارونو يوه اساسي اړتیا ده او ورته جدي پاملرنه کولای شي د هيوادوالو د ژوند په ښه والي کې مهم رول ترسره کړي.