د چین–امریکا د اړیکو او ځواک په اړه، په امریکا کې د پيل شوي بحث په لړ کې د امریکا بهرنیو چارو پخواني وزیر انتوني بلينکن ویلي، که واشنګټن له چین سره یوازې سیالي وکړي، ښايي بریا ترلاسه نه کړي؛ ځکه د چین بازار، تولیدي سکتور، علمي ځواک او سمندري توان د امریکا په پرتله پراخ دی.
بلېنکن زیاته کړې، که امریکا له اروپا، جاپان، هند، سویلي کوریا، اسټرالیا او کاناډا سره متحد عمل وکړي، نو د نړۍ په ناخالص کورني تولید کې به د دوی ونډه تر ۵۰ او ۶۰ سلنې ورسېږي او په هغه صورت کې به چین ونه شي کولای دغه ائتلاف له پامه وغورځوي.
په همدې بحث کې د CNN مشهور خبریال او د نړیوالو اړیکو شنونکی فواد ذکريا ویلي، چې ډونالډ ټرمپ د ایډیالوژۍ او ارزښتونو پر ځای د ځواک او واک سیاست ته ډېر پام لري، خو چین ته د سفر پر مهال یې چلند متفاوت، منظم او له احترام ډک ښکاره کېده.