د بلخ امنیه قوماندانۍ وایي، د امنیتي چوپړتیاوو د لا ښه والي او پېښو ته د چټک غبرګون په موخه یې د دغه ولایت ترافیکو او امنیتي ځواکونو ته ۶۵ عرادې نوي او مجهز موټرسایکلونه وېشلي.
سرچینه زیاتوي، چې د دغو موټرسایکلونو له وېش سره به پولیس وکولای شي په لنډ وخت کې د پېښو سیمو ته ځان ورسوي او خلکو ته غوره امنیتي او ترافیکي چوپړتیاوې وړاندې کړي.
د بلخ امنیه قومندانۍ دا هم وایي، چې د نویو او عصري موټرسایکلونو کارونه به د ښاري امنیت د ټینګښت، د ترافیکي نظم د ښه مدیریت او د پولیسو د ګزمې د پیاوړتیا په برخه کې مهم رول ولوبوي.
د یادونې وړ ده، چې تر دې وړاندې د پلازمینې کابل په ګډون د هېواد په ګڼو نورو ولایتونو کې هم امنیتي ځواکونو ته ځانګړي موټرسایکلونه وېشل شوي دي.