تسنیم خبري اژانس د ایران پوځ د ویاند محمد اکرمینیا له قوله خبرداری ورکړی، چې که د دغه هېواد دښمنان هر ډول تېروتنه وکړي، نو د ایران د وسلهوالو ځواکونو له سخت او قاطع ځواب سره به مخامخ شي.
د ایران د پوځ ویاند ویلي، د هېواد وسلهوال ځواکونه د هر ډول احتمالي ګواښ پر وړاندې بشپړ چمتووالی لري او هره تېروتنه به په پرېکنده توګه ځواب کړي.
هغه زیاته کړې، ایران څو ځله اعلان کړی، چې د اوربند له فرصت څخه د خپلو پوځي او رزمي وړتیاوو د لوړولو لپاره ګټه اخلي.
د نوموړي په وینا، د ایران وسلهوالو ځواکونو د خپلو دفاعي او پوځي ظرفیتونو د پیاوړتیا بهیر نه دی درولی او په دې برخه کې، یوه شېبه هم نه ضایع کوي او نه غفلت کوي.