سپوتنیک روسي رسنۍ راپور ورکړی، چې د انقرې د غونډې په درشل کې د ناټو پر وړاندې د استانبول اوسېدونکو لاریونونه کړي.
د لاريون کوونکو په منځ کې په یوې لوحې باندې لیکل شوي «ناټو یعنې غریبي، عامه وژنه او بربادي.»
په دې لاریونونو کې ګډونوالو همدارنګه «امریکايي امپریالیزم» او په سیمه کې د متحده ایالاتو د پوځي اډو شتون هم غندلی او د غزې په ملاتړ یې شعارونه ورکړي.
ياده دې وي، چې د ترکیې پلازمېنه انقره کې د ناټو مشرانو غونډه روانه ده، او ټاکل شوې ډونالډ ټرمپ هم ګډون پکې وکړي.