د سوریې ولسمشر احمد الشرع، دغه هېواد ته د فرانسې ولسمشر د سفر پر مهال هغه سره ليدنه کې، د مکرون د مېړانې او زړورتیا ستاینه کړې.
الشرع ويلي، کله چې مکرون ته د چاودنو خبر ورسېد، هغه سمدستي اعلان وکړ چې خپل سفر ته به دوام ورکوي او پروګرام به یې لکه څنګه چې پلان شوی و، هماغسې پرمخ ځي.
د سوریې ولسمشر زياته کړې، چې داسې ډېر کسان شته چې د سوریې له نننۍ بریا څخه زیانمن کېږي.
هغه ويلي «دلته داسې کسان شته چې غوښتل یې دا هېواد په ویجاړیو او بربادۍ کې پاتې شي، او هغوی د هغه څه له امله ناارامه دي چې سوریه یې نن ترلاسه کوي.»
الشرع ډاډ ورکړی، چې دمګړۍ پلټنې روانې دي او په باور یې، چې ډېر ژر به د دغه ناوړه جنایتکارانه عمل عاملین ونیول شي.
نوموړي زياته کړې، او ښه دا برید یوازې د سوریې د دولت او د هغې د هر ملاتړي هوډ او اراده لا پیاوړې کوي ترڅو د سوریې د بیا رغونې په لور خپل حرکت ته دوام ورکړي.