الجزيرې راپور ورکړی، چې د ټرمپ له لوري ايران سره د اوربند تړون د پای ته رسولو له اعلان وروسته امريکايي ځواکونو تېره شپه د ايران په بندر عباس، کنارک او بوشهر سيمو کې د انرژۍ تاسيسات په نښه کړي.
د يادو بريدونو له ترسره کېدو وروسته د امريکا مرکزي قومندانۍ په رسمي ډول دا بريدونه تاييد او ايران ته یې د ورته نورو بريدونو د ترسره کېدو خبرداری هم ورکړی دی.
په ورته مهال د ايران دفاعي ځواکونو د امريکا پر وړاندې د سخت غچ اخيستو خبره کوي او د ايران ملي امنيت کميسيون بيا ويلي، چې که بريدونه دوام وکړي نو ايران به د اټومي وسلو د نه خپرېدو له تړون څخه پر وتلو فکر وکړي.
که څه هم تېرې څو اوونۍ د دواړو هېوادونو ترمنځ نسبي اوربند ټينګ و؛ خو له تېرو دوه شپو راهیسې کړکېچ بيا تازه او خطرناک پړاو ته رسېدلی.