نړيوالو رسنيو راپور ورکړی، چې امریکا اعلان کړی چې د نړیوالې جزايي محکمې (ICC) د محدودولو او کمزوري کولو لپاره به اقدامات ترسره کړي.
د امریکا د بهرنیو چارو وزیر مارکو روبیو ویلي، واشنګټن به له خپلو متحدانو سره په ګډه د دې محکمې د نفوذ د کمولو هڅه وکړي او هغه نړیوال بنسټونه به ونه مني چې د امریکا یا د هغې د متحدانو پر ضد سیاسي اقدامات ترسره کوي.
که څه هم نړيوالې جزايي محکمې تر اوسه د امريکايي چارواکو پر ضد کوم د پام وړ اقدام نه دی ترسره کړی؛ خو دې محکمې غزه کې د روانې نسل وژنې پر ضد د اسرائیل رژيم د لومړي وزير نتنياهو د نيولو پرېکړه کړې وه او نوموړی یې په نړيواله کچه مجرم معرفي کړي و.