امريکايي رسنيو راپور ورکړی، چې د امریکا د اریزونا ایالت د توسان ښار په یوه سوداګریزه سیمه کې د ډزو په پېښه کې لس کسان ټپیان شوي دي.
د پولیسو په وینا، شکمن کس د پولیسو د سپارښتنو له نه منلو وروسته په ډزو ټپي او روغتون ته لېږدول شوی دی.
پولیسو ویلي، نهه نور کسان د دوی تر رسېدو مخکې ټپیان شوي وو او ټول روغتونونو ته انتقال شوي دي. د راپورونو له مخې، ډزې د دوو پېژندل شویو ډلو ترمنځ له شخړې وروسته پیل شوې، خو یو شمېر لارویان هم پکې ټپیان شوي دي.