د افغانستان برېښنا شرکت په یوه خپره کړې خبرپاڼه کې ویلي، چې د یاد شرکت د عمومي اجرائیوي رئیس ملا عبدالحق همکار په مشرۍ یوه پلاوي ازبکستان کې د برېښنايي تجهیزاتو له تولیدي فابریکو او ځیرکو برېښنايي سیستمونو څخه لیدنه کړې ده.
خبرپاڼه زیاتوي، چې د لیدنو پر مهال د ازبکستان د برېښنايي تجهیزاتو د تولید، د شبکو د عصري مدیریت، د ځیرکو میټرونو او د برېښنا د څارنې سیستمونو په اړه معلومات وړاندې شول.
د افغانستان برېښنا شرکت ویلي، له دغو تجربو به د هېواد د برېښنا سکټور د عصري کولو، د تجهیزاتو د کیفیت لوړولو او د تخنیکي همکاریو د پراختیا لپاره ګټه واخیستل شي.