ليکوال او شنونکي، احمد شاه محبي په خپلو تازه څرګندونو کې د مقاومت، ازادۍ متحدې او تر نورو نومونو لاندې د خيالي جبهو مشرانو ته په خطاب ويلي، چې د نورو خلکو زامن مرګ ته مه لېږئ.
نوموړي ويلي، هر څوک چې غواړي، له «طالبانو» سره جنګ وکړي، باید افغانستان ته لاړ شي او هلته ورسره وجنګېږي، نه دا چې په لندن، تاجکستان یا واشنګټن کې په امن ناست او ټیک ټاک ویډیوګانې جوړوي، په داسې حال کې چې د نورو خلکو زامن د مرګ لپاره لېږل کېږي.
د نوموړي په وينا د يادو جبهو مشران، له ټویټونو او انګرېزي اعلامیو پرته بل څه نه لري، چې هغه هم د استخباراتي موخو او واشنګټن د راجلبولو لپاره ترسره کوي.