الجزیرې راپور ورکړی چې د روسیې ولسمشر ولادیمیر پوتین د روانې میاشتې په پیل کې يو نوی قانون توشیح کړی، چې له مخې یې له هېواده بهر مېشت هغه روسي وګړي له کونسلي خدماتو محروم شوي، چې د روسیې حکومت پر ضد په سیاسي قضیو او مخالفتونو کې ښکېل دي.
د دغه قانون له مخې، هغه کسان چې د بهرنيو د جاسوس، د قانون د سرغړوونکي یا د روسیې پوځ د بدنامولو په څېر جرمونو کې محکوم شوي وي، د روسي پاسپورټونو د نوي کولو او نورو اړینو کونسلي خدماتو له ترلاسه کولو څخه به بې برخې شي.
الجزیرې ويلي، د پوتين دا اقدام به بهر مېشتو زرګونه روسي وګړو ته خورا سخت تمام شي.