د امریکا ولسمشر ټرمپ له فاکس نیوز سره خبرو کې د تهران پر وړاندې د خپلې ادارې د پوځي اقداماتو او سیاستونو په دفاع کې ويلي، «که زه ولسمشر شوی نه وای، اسرائیل به نور پاتې نه و او ډېر احتمال دا هم و چې اصلاً منځنی ختیځ به نور موجود نه و.»
ټرمپ ټینګار کړی، چې که د ایران حکومت اټومي وسلې ترلاسه کړې وای، نو له هغو څخه به یې استفاده کړې وه.
د امریکا ولسمشر د تهران د اټومي پروګرام د پرمختګ د مخنیوي په ټینګار سره ويلي، «که هغوی اټومي وسلې لرلې، حتماً به یې کارولې وای، او له اسرائیل او منځني ختیځ وروسته به موږ یا اروپا راتلونکي هدفونه وو.»
ټرمپ ټينګار کړی، چې ایران به د هغه په شتون کې هېڅکله اټومي وسلې ترلاسه نه کړي.