تسنیم خبري اژانس راپور ورکړی، چې د روسیې ولسمشر ولادیمیر پوتین په مسکو کې د امریکا د ولسمشر ډونالډ ټرمپ له استازو سټیو ویټکاف او جیرډ کوشنر سره شاوخوا درې ساعته خبرې کړې دي.
د راپور له مخې، د کرملین ماڼۍ د پوتین او د ټرمپ د استازو د لیدنې پای تایید کړی، خو تر اوسه د دغو خبرو د محتوا او پایلو په اړه جزئیات نه دي خپاره شوي.
د روسیې د ولسمشر مرستیال یوري اوشاکوف ویلي، چې د پوتین، ویټکاف او کوشنر خبرې «ډېرې رغنده او صریحې» وې.
د کرملین ویاند دیمیتري پېسکوف هم ویلي، چې پوتین د امریکايي پلاوي د سفر په ترڅ کې د درېیو ورځو لپاره پر کییف د بریدونو د درولو امر کړی دی.