رویټرز خبري اژانس راپور ورکړی، چې ایران د امریکا د «Dive-LD» بېپیلوټه اوبتل له ترلاسه کولو وروسته د دغه پرمختللي سیستم د څېړنې او ورته پوځي وسایلو د جوړولو له امکاناتو د ګټې اخیستو هڅه کولی شي.
راپور وايي، «Dive-LD» د اوبو لاندې د څارنې او عملیاتو لپاره جوړ شوی او تر ۱۰ ورځو پورې د فعالیت وړتیا لري. د پوځي چارو شنونکي باور لري چې ایران کولای شي د دې اوبتل میخانیکي برخې په دقت وڅېړي.
رویټرز وايي، په ۲۰۱۱ کال کې د ایران لاس ته د امریکا د «RQ-170» پټې بېپیلوټه الوتکې له لوېدو وروسته تهران د دې الوتکې د څېړنې او د ورته وسایلو د جوړولو ادعا کړې وه.