ډیلي انډیپنډنټ د پاکستان د بلوچستان ایالت د کورنیو چارو څانګې د معلوماتو له مخې راپور ورکړی، چې د دغه ایالت ۱۰۰ دولتي کارکوونکي د دولت ضد فعالیتونو د ترویج په تور له دندو ګوښه شوي دي.
د راپور د معلوماتو له مخې، په ګوښه شویو کسانو کې ۹۵ د پوهنتون استادان شامل دي او د دوو نورو استادانو په اړه هم څېړنې روانې دي.
حکومت دغه اقدام د دولت ضد فعالیتونو پر وړاندې د مبارزې په توګه یادوي، خو منتقدین وايي چې دا پرېکړه ښايي په بلوچستان کې د مخالفو نظرونو د ځپلو هڅه وي. د دغو خالي شویو بستونو د بیا ډکولو څرنګوالی هم د بحث وړ ګرځېدلی دی.