ګلف نیوز راپور ورکړی، چې د ایران د ملي امنیت عالي شورا منشي محسن رضايي وايي، تهران له امریکا سره د هر ډول خبرو د پیل لپاره اووه شرطونه ټاکلي او دا شرطونه یې واشنګټن ته رسولي دي.
رضايي ویلي، د تهران دریځ روښانه دی او که امریکا غواړي له اوسني وضعیت څخه ووځي، باید د ایران حقوق او ټاکل شوي شرطونه ومني. نوموړي ویلي، قطر د منځګړي په توګه د ایران شرطونه امریکا ته رسولي او تهران د امریکا د ولسمشر ډونالډ ټرمپ د ځواب په تمه دی.
که څه هم د ایران چارواکو تر اوسه د ټولو اوو شرطونو بشپړ لېست نه دی خپور کړی، رضايي په جلا څرګندونو کې د جګړې په ټولو جبهو کې د پای ته رسېدو، د ایران د کنګل شویو شتمنیو د خوشې کېدو او د سمندري محاصرې د پای ته رسېدو غوښتنې د تهران له مهمو شرطونو څخه بللې دي.