نړيوالو رسنيو راپور ورکړی، چې د ریاض پر نړیوال هوايي ډګر د حوثیانو په تازه برید کې یو کس وژل شوی او ۱۱ نور ټپیان شوي دي.
د رویټرز د راپور له مخې، دغه برید تېره شپه د هوايي ډګر پر څلورم ترمینل شوی، چې له امله یې اورلګېدنه هم رامنځته شوې ده.
تر دې یوه ورځ مخکې هم د ریاض پر نړیوال هوايي ډګر برید شوی و، چې د راپور له مخې، ۱۳ کسان پکې وژل شوي او تر ۳۰۰ ډېر نور ټپیان شوي وو.
رویټرز زیاتوي چې په روانه اونۍ کې د ریاض پر نړیوال هوايي ډګر په بریدونو کې د وژل شویو کسانو شمېر ۱۸ ته رسېدلی دی.