د پنجشېر ولایت مقام د رسنیو دفتر په یوه خبرپاڼه کې ويلي، چې د یاد ولایت د کرنې، اوبو لګولو او مالدارۍ ریاست له لوري د پنجشیر په شتل او پریان ولسوالیو کې پر ۱۰۰۰ بزګرانو د غنمو اصلاح شوي تخمونه او کیمیاوي سرې وېشل شوي دي.
د خبرپاڼې د معلوماتو له مخې، د ټولنیزې ودې مؤسسې د ملګرو ملتونو د خوړو او کرنې سازمان (FAO) په مالي ملاتړ هر بزګر ته د غنمو یو بوجۍ اصلاح شوي تخمونه، یوه بوجۍ توره او یوه بوجۍ سپینه سره ورکوي.