الجزیرې راپور ورکړی، چې د حماس غورځنګ پوځي څانګې اعلان کړی چې د رفح لوا قوماندان او د یاد غورځنګ د پوځي شورا غړی سمیر محمود ابو یونس د غزې د سوېل په خان یونس ښار المواصي سیمه کې د اسرائیلي غاصب رژیم په هوايي برید کې شهید شوی دی.
د الجزیرې د راپور له مخې، القسام لوا ویلي چې ابو یونس په ۱۹۹۱ کال کې له دې غورځنګ سره یوځای شوی و او د ۲۰۲۳ کال د اکتوبر په ۷مه پر اسرائیلي رژیم د حماس په مشرۍ د پراخ پوځي برید په پلان او څارنه کې یې هم مهم رول درلود.
د راپورونو له مخې، د شنبې په ورځ د غزې په بېلابېلو سیمو کې د اسرائیلي غاصب رژیم په بریدونو کې د ابو یونس په ګډون درې فلسطینیان هم شهیدان شوي او نهه نور ټپیان شوي دي.