د کورنیو چارو وزیر خلیفه سراجالدین حقاني د مشرتابه د فرمانونو د اغېزو څېړلو په اړه علمي – څېړنیز کنفرانس کې ویلي، چې له ډېرې اوږدې زمانې وروسته د الله تعالی په نصرت د یوه سپېڅلي نظام شاهدان یو.
ښاغلي حقاني د اسلامي نظام نفاذ او عملي کولو له جهادي دور وروسته تر ټولو ستر او دروند مسولیت بللی دی.
نوموړي زياته کړې، چې د نظام لپاره بنیادونه باید په شرعي معنا وي او دغه راز يې ټينګار کړی، چې کامیابي په یووالې کې ده.
د ښاغلي حقاني په خبره د افغان حکومت مشرتابه د خپل ملت او مسلمانانو خوښۍ او رضايت ته ډېر ارزښت ورکوي.


