د قرغزستان ځايي چارواکي وايي، نن په قرغزستان کې د افغانستان پر سیاسي، اقتصادي او بشري وضعیت غونډه جوړېږي، چې د ملگرو ملتونو د استازو سربېره پکې د اروپايي ټولنې استازي هم برخه لري.ټاکل شوې په نننۍ غونډه کې د اروپايي ټولنې استازی توماس نېکلاسن، د منځنۍ اسیا هېوادونو لپاره د دې ټولنې ځانگړې استازې تیري هاکلا او د افغانستان لپاره د منځنۍ اسیا د هېوادونو ځانګړي استازي پکې گډون کوي.له نننۍ غونډې وړاندې د افغانستان لپاره د اروپايي ټولنې ځانگړي استازي او د افغانستان لپاره د منځنۍ اسیا هېوادونو ځانگړو استازو تر دې مخکې څو ځله سره لیدلي وو.د دوی په خبره، د نننۍ غونډې موخه د منځنۍ اسیا هېوادونو په افغانستان کې د طالبانو حکومت ترمنځ د تعامل او اړیکې زیاتوالی دی؛ ځکه په ازبېکستان کې د افغانستان سفارت طالبانو ته سپارل شوی دی.له بل لوري د قرغزستان د بهرنیو چارو وزارت له لوري په یوې خپره شوې خبرپاڼه کې ویل شوي، د بیشکک غونډه کې د افغانستان پر وضعیت خبرې کېږي او همدرانگه په افغانستان کې د نشهيي توکو د مخنیوي او له افغانستان سره په مرستو هم خبرې کېږي.دا چې په دغه غونډه کې طالبانو ته د گډون بلنه ورکړل شوې او کهنه، په دې اړه تر اوسه د افغانستان د بهرنیو چارو وزارت څه نه دي ویلي.نږدې پینځه میاشتې وړاندې هم ورته غونډه په بروکسل کې جوړه شوې وه او پرو سږکال تاشکند هم د ورته غونډې کوربه و.
قرغزستان کې د افغانستان اړوند غونډه جوړېږي
#image_title
۱ څرگندون
سلامونه او احترامات می ومنی.
زه قاری سیف الرحمن “مقدس” دارزګان ولایت مرکز ترینکوټ څخه یم.
ستاسو او ستاسو له ټولو کارکونکو څخه نړی نړی مننه کوو چی داسی یو زمینه مو راته برابره کړیده.
چی موږ وکولای شو چی سپین او تور سره جلا کړو.