Author: عمران آغا

منځنی ختیځ

پر غزې د اسرائيلي رژيم د وحشت بيا پيل؛ تېره شپه ۴۲ تنه شهيدان شوي فلسطيني رسنيو راپور ورکړی، چې د اسرائیلي رژيم پوځ پرون ماښام پر غزه هوايي بریدونه کړي، چې له امله یې ۴۲ تنه شهیدان شوي او ګڼ شمېر نور ټپیان دي. سرچينې وايي د اشغالګر رژيم لومړي وزیر نتنياهو پوځ ته امر کړی، چې پر غزه قوي بریدونه ترسره کړي. اسرائیلي چارواکي ادعا کوي، چې د حماس جنګیالیو پر پوځ ډزې کړې دي؛ خو حماس غورځنګ دا تورونه په کلکه رد کړي دي.اسرائيلي رژيم د هوکړې له پيله تر دې دمه لسګونه ځلې پرته له کوم دليله اوربند نقض کړی دی.په ورته وخت حماس غورځنګ اوربند ته په ژمن پاتې کېدو ټينګار کړی او خبرداری یې ورکړی، چې اسرائيلي رژيم د اوربند د نقض لپاره په بې معنا بهانو پسې ګرځي.