د هندوستان د «هندو» ورځپاڼې د راپور له مخې، افغان ځواکونو په وروستیو نښتو کې پاکستاني پوځ ته داسې غاښ ماتوونکی ځواب ورکړی، چې اسلاماباد یې لالهانده کړی دی.
د يادې ورځپاڼې راپور زیاتوي، افغان ځواکونو د سرحدي پوستو پر ضد دقیق او چټک بریدونه ترسره کړي، چې له امله یې د پاکستان یو شمېر مهم پوځي تاسیسات زیانمن شوي او د هغوی دفاعي سیستم ګډوډ شوی دی.
ورځپاڼه لیکي، دا بریدونه د افغانستان د ملي قوت څرګندونه کوي او ثابته کړې یې ده، چې یو نوی ټوکېدلی خو باعزته ځواک هم کولای شي اټومي ځواک لرونکی هېواد حیران او بېوسه کړي.
ياده دې وي، چې پر فرضي کرښه وروستيو نښتو کې د افغان ځواکونو بريالي عمليات د ګڼو نړيوالو رسنيو سرټکي پاتې شوي.