تسنیم خبري اژانس راپور ورکړی، چې د امریکا د جګړې وزارت په تازه شمېرو کې ادعا کړې، چې له ایران سره په جګړه کې ۷۵۷ امریکايي سرتېري ټپیان او لږ تر لږه ۱۸ نور وژل شوي دي.
د راپور له مخې، د امریکا د جګړې وزارت د خپلو تلفاتو په ډیټابېس کې له ۵۰ څخه ډېر نوي د ټپي کېدو موارد ثبت کړي دي.
دا تازه شمېرې په داسې مهال خپرېږي چې پر پنټاګون د امریکايي ځواکونو د تلفاتو د ارقامو د پټولو او ځنډ سره د خپرولو په اړه نیوکې زیاتې شوې دي. امریکايي رسنیو مخکې هم راپور ورکړی و چې د جګړې پر مهال د امریکايي سرتېرو د ټپیانو شمېر په ځنډ سره اعلانېده.
د تسنیم په وینا، په تېر پړاو کې د امریکا د تلفاتو له رسمي شمېرو څخه د ځینو وژل شویو او ټپیانو معلومات هم حذف شوي وو، چې وروسته بېرته په رسمي ډیټابېس کې شامل شول.