پر هېواد او ملت د بغاوتګرو تاوانونه او زیانونه
په دې لړ کې مو د بغاوتګرو د پېژندنې او معرفتي ځانګړتیاوو څېړنه وکړه او د دې لارې لوړې او ژورې مو هغو کسانو ته یو څه اسانه کړلې چې د پوهې او پېژندنې غوښتونکي وو، تر څو هغوی وکولی شي په ښه توګه مقابلې ته چمتو شي او له بغاوتګرو سره د چلند طریقه وټاکي.
په دې یادښتونو کې مو په لنډه توګه لاندې مواردو ته یو څه توضیح او پراختیا ورکړه او اړخونه مو ورته مشخص کړل؛ لکه:
۱. د ملت له شتمنۍ څخه ثروت ټولول.
۲. بغاوت او سرغړونه.
۳. فحشا او منکرات.
۴. ویره او وحشت خپرول.
۵. ملت ځان ته سپر کول.
۶. له واک څخه ناوړه ګټه اخیستل.
۷. د غرب ډوډۍ خوړل.
۸. د اسلامي نظام پر وړاندې وسله وال پاڅون.
۹. او د غرب د پلانونو عملي کوونکي مو وڅېړل.
دا د بغاوتګرو د ځانګړتیاوو لنډیز دی؛ هر څوک چې ځان په دې دایره کې واچوي او لاسونه او پښې یې پرې ککړې کړي، پرته له دې چې خپل اصلي شخصیت له لاسه ورکوي، د انسانیت او عادي انسانانو د خوی او خصلتونو څخه به بې برخې کېږي.
اوس هڅه کوم چې د دې یادښت په دوام کې «پر هېواد او ملت د بغاوتګرو تاوانونه او زیانونه» نوي سرلیک سره، ځینې هغه تاوانونه او زیانونه چې د بغاوتګرو له شرارته رامنځته شوي، تاسو ته وړاندې کړم.
هېله ده چې دا لیکنې لوستونکو ته د بغاوتګرو د پېژندنې او د هغوی د زیانونو په اړه یو څه وضاحت وړاندې کړي.
یو له بنسټیزو او دایمي تاوانونو څخه د بغاوتګرو شتون او د هغوی ریښې غځول په هېواد کې، او په ځانګړې توګه د هېواد په واکمنه اداره کې دی، دا په پټه خو په اغېزمنه توګه د قوانینو د ګډوډوالي او ریښو د تخریب لامل ګرځي.
دا چې د شرعي او ملي قوانینو پلي کول ناڅاپه بدلوي او له اصلي مسیر څخه یې باسي.
دا ناسالم بهیر او کړۍ سبب کېږي چې په دولت کې یوه ثابت او منسجم حالت پاتې نه شي، او هر څوک چې زور، قدرت او پیسې ډېرې ولري او په دولتي سیستم کې ملګري او آشنایان ولري، کارونه یې ژر او په اسانۍ سره پر مخ ځي.
فرق نه کوي چې د دوی د کار په مخ وړلو کې نورو ته څه تاوانونه رسېږي یا حتی حق یې تر پښو لاندې کېږي.
همېشه ناپاک عناصر په هر ځای کې داسې ستونزې رامنځته کوي او نورو ته د آرامه او عادلانه ژوند د درلودلو فضا تنګوي، او د هغوی مشروع حقوق سلبوي او د هغوی له کام څخه آرامی اخلي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
