بلوچستان پوسټ رسنۍ راپور ورکړی، چې بلوڅبېلتون پالو په تېرو ۲۴ ساعتونو کې د ګوادر، پنجګور او کویټې په ګډون د بلوچستان په بېلابېلو سیمو کې د پاکستان پوځي رژيم پر ځواکونو ۲۲ بریدونه کړي دي.
سرچينې ويلي، په بريدونو کې سرتېري، کمين، تعرض، د سړک غاړې ماين او د لاسي بمونو بريدونه شامل دي.
د بلوڅ بېلتونپالو تر ټولو مهم بريد په پنجګور کې شوی، چې ګڼې پوستې یې محاصره کړي او د سنايپر پر مټ یې پاکستاني عسکر په نښه کړي دي.
د بلوڅانو د يادو بريدونو له امله د تېرې شپې راهیسې د بلوچستان ډېری لویې لارې تړل شوي د رېل ګاډي تګ راتګ هم ځنډول شوی دی.