د کورنیو چارو وزارت وايي، چې د دې وزارت د امنیتي ځواکونو درستیزوال لوی پاسوال مولوي حزبالله افغان د هزاره اهل تشیع هېوادوالو له یو شمېر علماوو او قومي مخورو سره په کتنه کې د امنیت، ملي یووالي او متقابلو همکاریو په اړه خبرې کړي.
په دې کتنه کې علماوو او قومي مخورو د امنیتي ځواکونو د خدمتونو او هڅو قدرداني کړې او د هېواد د امنیت، سولې او ثبات په ټینګښت کې یې د هغوی رول مهم بللی.
په ورته مهال ښاغلي افغان د هر ډول همکاریو ډاډ ورکړی او ویلي یې دي، چې ټول افغانان د یوې کورنۍ غړي دي، د هېواد امنیت، ثبات او پرمختګ د ټولو ګډ مسؤلیت دی، امنیتي ځواکونه د ټولو هېوادوالو د سر او مال ساتنې ته ژمن دي او د اسلامي اصولو په چوکاټ کې به د هېواد د ټولو قومونو او قشرونو خدمت ته دوام ورکړي.