د پاکستان پوځي رژیم ځانګړې محکمې د دغه هېواد د څارګرې ادارې (ISI) پخوانی مشر جنرال فیض حمید پر ۱۴ کاله بند محکوم کړی.
د یاد رژیم د پوځ د اطلاعاتو او عامه اړیکو دفتر ویلي، چې نوموړی له قوانینو د سرغړونې، د واک د سرچینو ناسمې استفادې، خلکو ته د زیان رسولو او په سیاسي فعالیتونو کې د ښکېلتیا له امله محاکمه شوی دی.
د پاکستان حکومت چې له کلونو راهیسې د پوځ د یوې دکتاتورانه کړۍ، تر اغېز لاندې فعالیت کوي، په تېر کې یې هم د ملکي او نظامي ادارو ګڼ چارواکي د نا څرګنده لاملونو له امله وژلي او یا یې هم د زندان تورو تمبو شاته غورځولي دي.