Close Menu
    خبر

    د خيبر پښتونخوا په خيبر ولسوالۍ کې د داعش ځایي مسؤلين په جبار میله کې ټارګټ شوي

    عمران آغاڅرگندونې نشته2 دقیقې لوستل
    د المرصاد خبري ادارې په حواله، د خيبر پښتونخوا د خيبر ولسوالۍ په جبار میله سیمه کې نن ماښام شاوخوا ۶:۳۰ بجې د نامعلومو ډرون الوتکو له لوري په داعشیانو باندې هوايي بریدونه ترسره شوي. دغه بریدونه د داعشيانو په مرکزونو شوي دي، چې د هغوی د شتون او فعالیتونو په اړه تازه معلومات وړاندې کوي.

    د راپورونو له مخې، جبار میله د داعش د خراسان څانګې یو مهم مرکز دی، چې هلته د دې ډلې ګڼ شمېر وسله وال شتون لري. د دې ډلې ځینې مهمې څېرې، لکه ګل نظيم، صدیق‌یار او حذيفه په دې سیمه کې فعالیت کوي.

    المرصاد د خپلو سرچینو په حواله وړاندې لیکلي، نظيم چې د داعش د خراسان څانګې د مشرقي زون مسول دی، په ۲۰۲۴ کال کې جبار میله ته رسیدلی و او هلته یې د ځایي داعشيانو سره په مختلفو مرکزونو کې فعالیتونه ترسره کړي دي. حذيفه او صدیق‌یار چې د داعش ډلې مهم مشران بلل کېږي، د عبدالمالک نږدې ملګري دي. عبدالمالک چې د داعش ځایي مسؤول و، په اګست ۲۰۲۳ کال کې په خيبر ولسوالۍ د سور غر سیمه کې د نامعلومو وسله والو په برید کې و وژل شو.

    المرصاد ادارې له خپلو سرچینو څخه داسې عکسونه هم ترلاسه کړي چې ګل نظيم او صدیق‌یار د جبار میله په مرکز کې موجود دي، چې دا هلته د داعشیانو د شتون لپاره مهم شواهد او اسناد بلل کېږي.

    مربوطه لیکنې

    ځواب پریږدئ