د ميدان وردګ ولايت مقام مطبوعاتي دفتر ويلي، چې د ملګرو ملتونو د خوړو او کرنې سازمان (FAO) مؤسسې رئیس، ریچارډ ټرینچارټ، د يوه پلاوي په مشرۍ د میدان وردګو ولایت له والي، ملا خیرالله خیرخواه، سره کتلي.
د سرچينې په خبره، په دې لیدنه کې د کرنې، مالدارۍ، د اوبو مدیریت او د بزګرانو د ملاتړ په برخو کې د همکاریو د پراختیا په اړه خبرې شوي دي.
د میدان وردګو والي ويلي، چې د کوچنیو چکډیمونو او د اوبو مهارولو پروژو پلي کېدل د کرنې او مالدارۍ د ودې لپاره مهم دي او بزګران معیاري او اصلاح شویو تخمونو ته اړتیا لري.
په ورته مهال، د FAO مؤسسې رئیس ډاډ ورکړی، چې اداره به یې د ولایت مقام په همغږۍ د اوبو مدیریت، اصلاح شویو تخمونو، کرنې او مالدارۍ په برخو کې خپلو همکاریو ته دوام ورکړي.