د ننګرهار ولايت مرستيال والي مولوي عزيزالله مصطفی رسنيو سره په خبرو کې ويلي چې پاکستاني لوری په همدې تړاو د تورخم کميسار مولوي عبدالجبار حکمت سره موافقې ته رسېدلی او ټاکل شوې نن ماسپښين يوه بجه دا لاره د هر ډول تګ راتګ پر مخ خلاصه شي.
دغه راز د پاکستان له لوري د جرګې مشر جواد حسين کاظمي هم ويلي چې نن لس بجې یې د تورخم په تړاو له افغان کميسار سره ناسته پيل کړې.
ياده دې وي چې تورخم لاره ۲۷ ورځې وړاندې د پاکستاني لوري د بريدونو او سرغړونو له امله وتړل شوه چې د دواړو لوريو سوداګرو ته تر دې مهاله ميليونونه ډالره زيان اوښتی دی.