تسنیم خبري اژانس راپور ورکړی، چې د امریکا مرکزي قوماندانۍ (سنټکام) ادعا کړې، چې امریکايي ځواکونو د ایران پر خاوره بریدونه کړي او ویلي یې دي، دا بریدونه د ایران د وروستي توغندیز برید په ځواب کې ترسره شوي دي.
سنټکام په یوه اعلامیه کې ویلي، امریکايي ځواکونو د ختیځې امریکا په وخت د شپې له ۸ بجو راهیسې د ایران پر خاوره بریدونه پیل کړي دي.
تر دې وړاندې د اکسیوس خبریال باراک راوېد هم د یوه امریکايي چارواکي له قوله په ایران کې د بریدونو خبر ورکړی و. هممهاله، ځینو غیررسمي سرچینو د ایران په ځینو سیمو کې د چاودنو د غږونو د اورېدو راپورونه هم ورکړي دي.