په کابل کې د ایران سفارت په یوه خپره کړې خبر پاڼه کې ویلي، چې هېواد یې د افغانستان د صنعت او سوداګرۍ په څلورم نندارتون کې ګډون کوي.
د ايران سفارت ويلي، د دغه هېواد د سوداګرۍ، صنایعو، کانونو او کرنې خونې پلاوی چې پکې د خونې مشران او له افغانستان سره د سرحدي ولایتونو د سوداګرۍ خونې رییسان هم دي، د افغانستان د صنعت او سوداګرۍ په څلورم نندارتون کې د ګډون لپاره کابل ته رسېدلي دي.
په خبرپاڼه کې راغلي چې ایران د ۴۰ غرفو او ۱۰۰ سوداګرو په ګډون، د دغه نندارتون لویه برخه په واک کې لري.
ټاکل شوې چې دا نندارتون د روانې لړم میاشتې له ۲۶ – ۲۹ په کابل کې جوړ شي.