د ۲۱۵ عزم قول اردو مطبوعاتي دفتر خبر ورکړی، چې امنیتي ځواکونو، د هلمند د بهرامچې ولسوالۍ اړوند د رباط او کياخان په سيمه کې په تېره یوه اوونۍ کې له پاکستان څخه هېواد ته په قاچاقي ډول راتلونکي ۲۳۸ موټره توکي نيولي.
سرچينې ويلي په دې توکو کې، بې کيفيته درمل، کيمیاوي سره، د ډبرو سکاره، تېل، مالټې، مڼې، د ماهيانو غوښه، چاکليټ او نور خوراکي او غیري خوراکي توکي شامل دي.
د ۲۱۵ عزم قول اردو ویاند صدیق الله حفاظت ویلي، چې له نیول شویو توکو څخه ۱۶ موټره درمل سوځول شوي دي.