د بلوارک آنلاین د راپور له مخې، د امریکا ولسمشر ډونالډ ټرمپ ویلي، چې د خپلې وروستۍ ولسمشرۍ دورې له پای ته رسېدو وروسته هم د ولسمشرۍ د څوکۍ پرېښودو اراده نه لري.
ټرمپ ویلي: «په خوښۍ سره اعلان کوم چې د متحده ایالاتو د ولسمشر په توګه د څلورمې دورې لپاره ځان نوماندوم. ما درې ځله بریا ترلاسه کړې او اوس غواړم دا کار بیا هم وکړم.»
د ټرمپ دغه څرګندونې، چې په طنزیزه بڼه مطرح شوي، په ټولنیزو رسنیو کې یې پراخ غبرګونونه راپارولي دي، ځکه د امریکا اساسي قانون یو کس ته یوازې د دوو دورو لپاره د ولسمشرۍ اجازه ورکوي.