نړيوالو رسنيو راپور ورکړی، چې پاکستان د امریکا او اسرائیلو له لوري د ملګرو ملتونو امنیت شورا ته د وړاندې شوې هغې مسودې په ملاتړ رأیه ورکړې ده چې فلسطینیان یې د خپلو حقونو پر ضد «تر ټولو لوی خیانت» ګڼي.
په دغې مسوده کې، د غزې وېش او ځينې نور داسې موارد راغلي، چې فلسطینیانو یې په کلکه مخالفت کړی دی.
پاکستاني رژيم په داسې حال کې د امريکا او اسرائيلو د پرېکړې ملاتړ کوي، چې فلسطینیان دغه پرېکړه په سیمه کې د اسرائیلي کنټرول پیاوړتیا بولي.
د فلسطیني فعالانو په وینا، دغه مسوده په غزه کې د اسرائیلو تسلط ته نوی مشروعیت ورکوي.
د معلوماتو له مخې، پاکستان د دې طرحې په ملاتړ سره په عملي ډول د غزې په وېش او د فلسطيني ولس د حقونو تر پښو لاندې کولو کې اسرائیل او امريکا سره په څنګ کې درېږي.
فلسطيني ولس دا مسوده د خپلواکۍ، ازادۍ او د خلکو د حقونو پر ضد ظالمانه اقدام بولي او له نړیوالې ټولنې غواړي چې دغه طرحه رد کړي.