هندوکشغږ ته له آی ایس آی او آزادۍ جبهې څخه مؤثقو او باخبره سرچینو ویلي، چې په نورستان کې د خبیث مثلث(پاور بانک جبهې، آی ایس آی او داعش ډلې) له ناکامۍ وروسته، اوس د پوځي رژیم استخباراتي ادارې (آی ایس آی) د پاور بانک جبهې (تش په نوم ازادۍ جبهې) له مشر یاسین ضیاء سره په همغږۍ پلان لري، چې فضل ربي خنجاني ونیسي او په مرموز ډول یې ووژني.
له آزادۍ جبهې څخه هندوکش غږ موثقو سرچینو منلې، چې ياسين ضياء او د نوموړي اوښی صفي الله محمدي چې په چترال کې د غولول شویو کسانو له مسؤولانو یو دی، د وروستۍ ګډې دسيسې د ناکامۍ مسؤوليت په فضل ربي خنجاني اچولی، پر نوموړي بې اعتماده شوي او شک لري، چې نوموړي خپل تر لاس لاندې ټول کسان د افغان حکومت له امنيتي ځواکونو سره د يوې پټې معاملې له مخې پلورلي دي.
د يادونې وړ ده، چې د پاور بانک جبهې له وروستيو ناکاميو وروسته، په دغه جبهه کې دننه او د شر او فساد د نورو ډلو او شخصيتونو ترمنځ اختلافات، بې باوري او شخړې زياتې شوې دي، همدا لامل دی چې د شر او فساد په ليکو کې ډېری غولېدلو کسانو د حقايقو له درک وروسته افغان حکومت ته د تسليمۍ او په پاکستان کې د شر او فساد او پاکستاني استخباراتو له ګډو مراکزو او کمپونو څخه د تېښتې اراده کړې ده.