الخابور د سوریې دولتي رسنۍ خبر ورکړی، چې د سوريې ولسمشر احمد الشرع هغه اوازې په کلکه رد کړې چې ګواکې سوریايي ځواکونه لبنان کې د حزب الله پر وړاندې پوځي جګړې ته ننوځي.
نوموړي ټینګار کړی، چې د دمشق اوسنۍ هڅې یوازې د جګړې پراخېدو مخنیوی او په لبنان کې د ۱.۴ میلیونه سوریايي کډوالو خپل هېواد ته راستنول دي.
تر دې وړاندې یو شمېر رسنیو راپور ورکړی و چې امریکا پر دمشق فشار راوړی، ترڅو د اسرائیل او حزب الله ترمنځ روانه جګړه کې د حزب الله پر ضد مداخله وکړي.