د اسوشیټډ پرس خبري اژانس د راپور له مخې، اذربایجان او ارمنستان د پنجشنبې په ورځ اعلان وکړ چې د لسیزو راهیسې د جګړې ختمولو د حل لپاره یې خبرې اترې پای ته رسولي او دواړو لوریو هوکړه کړې چې د احتمالي تړون مسوده به لاسلیک کړي.
د معلوماتو له مخې، ارمنستان او اذربایجان د شوروي اتحاد له ړنګېدو وروسته څو ځلې جګړې کړي، خو اذربایجان د ۲۰۲۳م کال په سپټمبر میاشت کې په ۲۴ ساعتونو کې دا سیمه ونیوله.
تر دې مخکې اذربایجان او ارمنستان په وار وار ویلي وو چې، د شخړې ختمېدو لپاره د سولې هر اړخیز تړون ته نژدې شوي، خو د تړون د مسودې په اړه به یې خبرې بې نتیجې وې.