د صنعت او سوداګرۍ وزارت خبر ورکړی، چې د دې وزارت مرستیال مولوی احمدالله زاهد، افغانستان کې د چینایي وګړو د اتحادیې له مشرې “مونگ شیاولي” سره په افغانستان کې د چین د خصوصي سکتور د پانګونې او د سوداګریزو چارو د لا ښې همغږۍ په موخه کتلي.
د یاد وزارت په وینا، په دې کتنه کې د پانګونې د چارو، سوداګرۍ او چینایي پانګوالو او سوداګرو ته د افغانستان د ویزو په ورکړه کې د لا ښې همغږۍ په تړاو خبرې اترې وشوې. ښاغلي زاهد د لا زیاتې همغږۍ او په افغانستان کې د چین هېواد د سوداګریزو او پانګونې د فعالیتونو د چټکوالي په تړاؤ په افغانستان کې د چینایي وګړو د اتحادیې له مشرې سره لازمې سلا مشورې هم شریکې کړې.